Hakket
Tja, plater med formande kraft… Kanskje Tres Hombres av ZZ-Top bør med på lista? Plata vart kjøpt på postordre, og leveringstida var upåklageleg. Prisen var det heller ikkje noko å seia på, meiner å hugsa at den var ekstra billig fordi det «kunne vera mindre feil». Og feil var der. På den eine sida, var det eit gedigent hakk midt i ein av dei tøffe slåttane. Kunne rett og slett ikkje spela den av frykt for å knerta stiften. Fekk naturleg nok aldri heilt taket på den songen.
Kjempehakket skjulte låten slik dei svarte firkantane skjulte kjempehakka i den kulørte pressa. På den andre sida, var hakket mindre. Den songen gjekk det fint an å spela, stiften hoppa berre pitte litt. Eigentleg blei songen berre endå tøffare med eit slikt taktfast zappaiansk taktskfite i midtpartiet. Hakk i plata og evne til å bera over med litt av kvart, berre prisen er låg nok: Kunne ha vore ein personkarakteristikk, det.